Gjeka akuzon Forcën për mosfitimin e pozitës së ministrit

Tuesday, 04 December 2012 21:39

Mosfitimi i një posti ministror nga ana e shqiptareve duket qe ka qitur në pah të gjitha problemet rreth mënyres dhe rrugës së zgjedhur për të fituar sa më shumë në qeverinë e re të Malit të Zi. Në këtë linjë, kryetari i PD-së dhe deputet i Koalicionit shqiptar ne parlamentin e Malit të Zi z. Fatmir Gjeka pranon pritshmërinë nga ana e tij por edhe të koalicionit që përfaqëson që të jenë të përfaqësuar në qeverinë e re në nivel ministror. Për mosfitimin e postit ministror nga asnjëri koalicion shqiptar z. Gjeka, për televizionin lokal TVT, akuzon hapur koalicionin tjetër shqiptar, Forcën për bashkim. Sipas Gjekës, zgjedhja e këtij koalicioni për të bashkëpunuar ma partitë boshnjake dhe atë kroate dhe për të nënshkruar marrëveshtje me to ka qenë e gabuar dhe për pasojë ka ulur edhe kërkesat për poste më të larta në nivel republikan. Poashtu Gjeka si element mosbashkëpunimi përmend edhe ofertën e tij parazgjedhore që këto dy koalicione të shkojnë së bashku në zgjedhje republikane kurse për renditje në listë të vendos shorti. Gjeka gjithashtu përmendi edhe brishtësinë e koalicionit në nivel lokal por pa përmendur hapat e mundshme në vijim. /Ulqini news